Trampın siyasətindən narazılıq görünməmiş səviyyəyə çatıb.
İslamazeri.com xəbər verir ki, "Washington Post" qəzetinin sorğusuna görə, amerikalıların 62%-i Trampın siyasətindən narazıdır; artan yaşayış xərcləri və İranla gərginlik narazılığı daha da artırıb.
Amerika mediasına görə, ölkə prezidentinin siyasətindən narazılıq görünməmiş səviyyəyə çatıb.
"Washington Post" qəzeti "Ipsos" sorğusunun nəticələrinə əsasən bildirib ki, amerikalılar arasında prezident Donald Trampın fəaliyyətindən narazılıq, xüsusən də İrana hücum və ölkədə artan yaşayış xərcləri səbəbindən 62%-ə yüksəlib. Bu, onun hər iki prezidentliyi dövründə ən yüksək səviyyədir.
ABŞ və İsrailin İrana hücumları nəticəsində Hörmüz boğazının bağlanması dünyanın bir çox yerində yaşayış xərclərinin artmasına səbəb olub.
Müxtəlif hökumətlər xərcləri azaltmaq üçün bir çox pulsuz xidmətləri dayandırıb və işçiləri uzaqdan işləməyə yönəldib.
Bir çox ekspert hesab edir ki, bu vəziyyət noyabr ayında keçiriləcək aralıq konqres seçkilərində respublikaçıların tarixi məğlubiyyətinə səbəb ola bilər.
