Türkiyə prezidenti Rəcəb Tayyib Ərdoğan İraqda rəsmi səfərdədir.
İslamazeri.com türk mediasına istinadən xəbər verir ki, o, Bağdad Beynəlxalq Hava Limanında İraq Baş naziri Məhəmmə Şia əs-Sudani və digər rəsmilər tərəfindən qarşılanıb.
Türkiyə prezidentini geniştərkibli nümayəndə heyəti müşayiət edir.
1-günlük səfər zamanı Ərdoğan İraq Baş naziri Məhəmməd Şia əs-Sudani və prezidenti Əbdül Lətif Raşid ilə görüşlər keçirəcək.
Ərdoğan və əs-Sudaninin görüşünün yekununda birgə mətbuat konfransı keçiriləcək və ikitərəfli sazişlərin imzalanması tədbiri baş tutacaq.
Ərdoğan səfər çərçivəsində İraq Kürdüstanının paytaxtı Ərbil şəhərinə də gedəcək.
