Pezşkian, həmçinin hər kəsi ölkənin problemlərinin həllinə dəstək olmağa dəvət edib və mütəxəssislərin tövsiyələrinə əsaslanmağın zəruriliyini vurğulayıb.
İslamazeri.com xəbər verir ki, İran Prezidenti Məsud Pezeşkian ölkədə su və su ehtiyatlarının vəziyyətini kritik hesab edərək, dərhal ciddi və effektiv tədbirlərin görülməsinin vacibliyini vurğulayıb.
Pezşkian, Tehran, Əlborz və Qəzvin vilayətlərində əhali sıxlığının artıq su resurslarının məhdudluğunu vurğuladığını bildirib.
O qeyd edib ki, ölkədə su problemini həll etmək üçün universitet mütəxəssisləri və sahə üzrə ekspertlər tərəfindən hazırlanmış geniş və sənədləşdirilmiş hesabatlar mövcuddur. Bu hesabatlar parlament üzvləri ilə paylaşılaraq su məsələlərinin həllinə yol göstərmək məqsədi daşıyır.
Prezident əlavə edib ki, əvvəlki qanunlar və tənzimləmələr su problemlərini həll etməyib, əksinə vəziyyəti çətinləşdirib. Ona görə də suyun səmərəli istifadəsi, iqtisadiyyat, kənd təsərrüfatı və sənaye sahələrində qərarların yalnız mütəxəssislərin tövsiyəsi əsasında verilməsi vacibdir.
Pezşkian həmrəylik və əməkdaşlıq mesajını da çatdırıb: “Problemlərin həlli müzakirələr və mübahisələrdən deyil, peşəkar məsləhətlər və həmrəylikdən keçir. Dövlət, hər kəsin problemlərin həllinə kömək imkanını dəyərləndirir və bu əməkdaşlıq sayəsində bütün ölkədə su böhranının öhdəsindən gəlmək mümkündür.”
Pezeşkian həmçinin universitet mütəxəssislərinin hazırladığı çərçivə və yol xəritəsinin 12 bölgədə tətbiq ediləcəyini və bunun nəticəsində qərarların daha düzgün qəbul ediləcəyini bildirib. Pezşkian, həmçinin hər kəsi ölkənin problemlərinin həllinə dəstək olmağa dəvət edib və mütəxəssislərin tövsiyələrinə əsaslanmağın zəruriliyini vurğulayıb.
