İranın Ali Lideri Ayətullah Əli Xameneinin şəhadətinin açıqlanmasından sonra Pakistan və İraqda genişmiqyaslı etirazlar başlayıb.
İran dövlət televiziyası Ali Rəhbər Ayətullah Əli Xameneinin bu səhər tezdən şəhadətini açıqlayıb.
İslamazeri.com xəbər verir ki, bu açıqlamadan sonra, Pakistanın Karaçi şəhərində etirazçılar ABŞ konsulluğuna hücum edib.
Yerli mənbələr konsulluq ətrafında baş verən toqquşmalarda səkkiz nəfərin öldüyünü və 20-dən çox insanın yaralandığını bildirib.
Təhlükəsizlik qüvvələri konsulluğun qarşısındakı izdihamı dağıtmaq üçün göz yaşartıcı qazdan istifadə edib.
Pakistanın Lahor şəhərində də ABŞ və İsrail əleyhinə yürüşlər keçirilib.
Pakistandakı Məclis-e-Vəhdət-e-Müslimin (Müsəlman İman Hərəkatı) İrana hücumlara qarşı küçə etirazlarına çağırıb.
İraqın Bağdad şəhərində etirazçılar Ayətullah Xameneinin şəhadət xəbərindən sonra ABŞ səfirliyinin yerləşdiyi möhkəmləndirilmiş əraziyə girməyə cəhd edib.
Asma körpünün yaxınlığında toplaşan qrupla İraq təhlükəsizlik qüvvələri arasında toqquşmalar baş verib.
Etirazlar ölkənin cənubundakı şəhərlərdə də davam edib. Nasiriyyədə böyük bir izdiham hücumu pisləyib. Bəsrədə də etiraz yürüşləri keçirilib.
