Netanyahu: Livanda işğalı davam etdirəcəyik
İslamazeri.com xəbər verir ki, İsrailin Baş naziri Benyamin Netanyahu İsrailin Livanı işğal etməyə "lazım olduğu qədər" davam edəcəyini açıqlayıb. Netanyahu həmçinin işğalın hazırda davam edən "regional müharibənin" bir hissəsi olduğunu etiraf edib.
Mətbuata verdiyi açıqlamada Netanyahu İsrail ordusuna "şimaldakı sakinlərin təhlükəsizliyini" təmin etmək üçün bütün lazımi tədbirləri görməyi tapşırdığını deyib. O, hərbi əməliyyatların və taktiki tətbiqlərin yerdəki inkişaflarla paralel olaraq davam edəcəyini bildirib.
Netanyahu həmçinin İran, Hizbullah və HƏMAS-ın "çox az işi qaldığını" iddia edərək əlavə edib: "Biz bölgəmizdə oyun qaydalarını dəyişdirdik, qorxu divarını yıxdıq və dəmir yumruğumuzun gücünü sübut etdik".
İsrail müdafiə naziri İsrail Kats da 23 iyunda ABŞ-ın potensial geri çəkilmə tələblərindən asılı olmayaraq, İsrail işğalçı qüvvələrinin Cənubi Livanda yeni yaradılmış təhlükəsizlik zonasında mövcudluğunu qoruyacağını bildirib.
Tel-Əvivdə keçirilən Muni Expo yerli hökumət konfransında çıxış edən Kats, bölgədən köçkün düşmüş təxminən 200.000 livanlının evlərinə qayıtmasına icazə verilməyəcəyini iddia edib. Katz, çıxışını "Biz geri çəkilmirik" sözləri ilə yekunlaşdıraraq, "Keçmişdə mülki əhali təhlükəsizlik zonalarında olduqda, yol kənarında bombalamalar və əsgərlərə hücumlar olurdu. Buna görə də biz buna icazə verməyəcəyik" deyib.
