Bunu Dini Qurumlarla İş üzrə Dövlət Komitəsinin Təhlil və proqnozlaşdırma şöbəsinin müdiri Elnarə Kərimova jurnalistlərə açıqlamasında deyib.
Qadın dini ayin icraçısı vəzifəsinə 7 vakant yeri üzrə ümumilikdə 69 müraciət qeydə alınıb.
İslamazeri.com xəbər verir ki, bunu Dini Qurumlarla İş üzrə Dövlət Komitəsinin Təhlil və proqnozlaşdırma şöbəsinin müdiri Elnarə Kərimova jurnalistlərə açıqlamasında deyib.
Şöbə müdiri artıq sənəd qəbulunun bitdiyini deyib:
"Bildiyiniz kimi, ilk dəfə olaraq, qadın dini ayin icraçısı vəzifəsi üzrə vakansiya elan olunub. Ümumilikdə 7 vakant yer ayrılıb və bu yerlərə 69 sənəd qəbulu olub. Yaxın zamanlarda müsahibə mərhələsi başlayacaq".
Elnarə Kərimova ölkəmizdə xurafata meylliliyin qadınlar arasında da yayıldığını vurğulayıb: "Qadınlarımız arasında da xurafata, radikalizmə meyllilik halları yayılmaqdadır. Biz buna təəssüf edirik. Tədbirlərimizin məqsədi xurafatla mübarizə, həmçinin qadınlarımızın potensialından istifadə etməkdir".
