İşğalçı qüvvələr Beyrutun Cəbşit qəsəbəsində yeni bir qətliam törədib.
İslamazeri.com xəbər verir ki, Livan paytaxtında gecə saatlarında qəsəbənin Əl-Cəbəl məhəlləsində, Bəhcə ailəsinə məxsus binaya endirilən hava zərbəsi nəticəsində eyni ailənin 5 üzvü şəhid olub.
Hava hücumu binanın tamamilə dağılmasına, Məhəmməd Cavad Bəhcə və həyat yoldaşı Lütfiyyə, həmçinin Əmani Cabir və övladları Məryəm Hilal Bəhcə ilə körpə Əli Rza Hilal Bəhcənin şəhid olmasına səbəb olub.
Təcili yardım və xilasetmə qrupları gecə boyu dağılmış binanın qalıqlarını təmizləyərək şəhidlərin cənazələrini dağıntılar altından çıxarıblar.
