İndoneziyanın Qərbi Yava əyalətində dünən baş verən 5,6 bal gücündə zəlzələdə ölənlərin sayı 162-yə yüksəlib.
İslamazeri.com xəbər verir ki, Qərbi Yava valisi Ridvan Kamil zəlzələdə həyatını itirənlərin sayının 162-yə yüksəldiyini açıqlayıb.
700-dən çox adamın yaralandığı zəlzələdə 13 min adam didərgin düşüb, 2 min 200 ev dağılıb.
Bildirilib ki, axtarış-xilasetmə işləri davam edərkən, itki və yaralıların sayı arta bilər.
Xatırladaq ki, İndoneziyada 2018-ci ildə Sulavesi adasında baş verən 7,5 bal gücündə zəlzələ və sonrakı sunami nəticəsində 2000-dən çox insan ölüb, 4000-dən çox insan yaralanıb.