Hizbullahdan hökumətə: Sizdə zərrə qədər məsuliyyət hissi yoxdur
İslamazeri.com xəbər verir ki, Livan parlamentindəki Hizbullah qrupu olan Müqavimətə Sədaqət blokunun üzvü İbrahim əl-Musəvi, İsrailin Beyrutun cənub ətrafı olan Dahiyeyə hücumu ilə bağlı Livan hökumətini sərt tənqid etdi.
Əl-Musəvi X platforma hesabında paylaşım edərək ABŞ prezidenti Donald Trampın İsrailin Baş naziri Benyamin Netanyahunu tənqid etdiyini və Dahiyənin bombalanmasını pislədiyini, BMT Baş katibinin də hücumu pislədiyini bildirdi.
O, əlavə edib ki, İran hücuma cavab verməyə mane olacaq hər hansı bir vasitəçiliyi rədd edir, Livan hökuməti isə susur.
Əl-Musəvi paylaşımında "Livan hökuməti nə şərh verir, nə qınayır, nə də reaksiya verir" yazıb.
Livanlı millət vəkili hökumətə qarşı tənqidlərini daha da artıraraq dedi: "Bu, səriştəsiz bir hökumətdir. Onda hətta ən əsas məsuliyyət hissi, eləcə də əxlaq və ən fundamental insani dəyərlər yoxdur." Əl-Musəvi paylaşımını ərəb ədəbiyyatında tez-tez istifadə olunan bir ifadə ilə yekunlaşdırıb: "Əgər azad bir insana səslənsəydim, eşitdirə bilərdim."
