Rəsmi səfəri çərçivəsində milli müdafiə naziri Hulusi Akarla görüşmək üçün Türkiyəyə gələn işğalçı sionist İsrail rejiminin müharibə naziri Benni Qantz görüşdən əvvəl Anıtkabirə gedib.
İslamazeri.com xəbər verir ki, nümayəndə heyəti ilə Aslan Yolundan keçərək, Atatürkün məqbərəsinə gedən Qantz burada əklil qoyub və bir dəqiqəlik sükut edib.
Anıtkabir Xüsusi Kitabını imzalayan Qantz, Atatürkün "Yurdda Sülh, Dünyada Sülh" ifadəsinə istinad edib.
Daha sonra Türkiyənin milli müdafiə naziri Hulusi Akar İsrail rejiminin müharibə naziri Benni Qantz ilə görüşüb.
Akar rəsmi səfərdə olan Gantzı Milli Müdafiə Nazirliyində hərbi mərasimlə qarşılayıb.
