İsrail qüvvələri 17 yaşlı fələstinlini başından güllələyib.
İsrail qüvvələri İordan çayının Qərb sahilində gənc fələstinlini qətlə yetirib.
İslamazeri.com “Anadolu”-ya istinadən xəbər verir ki, bu barədə Fələstin Səhiyyə Nazirliyindən məlumat verilib.
Belə ki, 17 yaşlı Cəbrayıl əl-Ləda Əriha şəhərində yerləşən Əqabətu-Cəbr qaçqın düşərgəsində başından güllələnərək həyatını itirib.
Həmçinin daha 6 fələstinli də yaralanıb. Onlardan 3-nün vəziyyəti ağır olaraq qiymətləndirilir.
Qeyd edilib ki, cari ilin əvvəlindən təxminən 100 fələstinli qətlə yetirilib.
