İraqın Ənbar vilayətinin qərbində naməlum şəxslərə məxsus kütləvi məzarlıq aşkarlanıb.
İslamazeri.com xarici mediaya istinadən xəbər verir ki, İraq mətbuatının məlumatına görə, Həşd əş-Şabinin 57-ci briqadası Ənbar vilayətinin qərbində keçirdiyi əməliyyat zamanı naməlum şəxslərin kütləvi məzarlığını aşkar edib.
İraqda kütləvi məzarlıqlarda 6-12 min adamın cəsədi olduğu təxmin edilir.
Xatırladaq ki, İŞİD terror təşkilatı 2014-cü ilin iyun ayında İraqın bütün Mosul, Səlahəddin və Ənbar vilayətlərini, həmçinin Diyalə və Kərkük vilayətlərinin bir qismini ələ keçirib və bu bölgələr illər ərzində təşkilatdan geri alınıb.
