İranın Baş Qərargah rəisi general-mayor Məhəmməd Baqiri sosial media hesabından verdiyi açıqlamada Avropa Birliyinin (Aİ) ona qarşı tətbiq etdiyi sanksiyaları tənqid edib.
İslamazeri.com xəbər verir ki, general-mayor Baqiri paylaşımında bildirib:
"Avropa Birliyi 4 gün əvvəl İranın Rusiyaya pilotsuz uçuş aparatları (PUA) verdiyi iddiası ilə adımı sanksiya siyahısına saldı!
4 noyabr 2019-cu ildə ABŞ Maliyyə Nazirliyi də mənim adımı sanksiyalar siyahısına salmaqla belə bir səhvə yol vermişdi.
Əslində, ağaları ABŞ-ın çıxılmaz yolu ilə gedən avropalılar sanksiya xəstəliyinə düçar oldular.
Amma mənim Avropa İttifaqı ilə bağlı humanitar təklifim var. Bu gündən etibarən onlara hazırladıqları sanksiyaların həyata keçirilməsi üçün etibarnamə verəcəyəm.
General-mayor Baqirinin dünya üzrə banklardakı bütün aktivlərini müəyyən etmələrinə, onları ələ keçirməyə və Avropa vətəndaşları üçün kömür almaq üçün istifadə etməyə icazə verilir. Çünki çətin qış yaxınlaşır!"
