Gürcüstan Müsəlmanları İdarəsi Azərbaycan xalqına başsağlığı verib.
Gürcüstan Müsəlmanları İdarəsi azərbaycanlı ilahiyyatçı, din xadimi Hacı Şahin Həsənlinin vəfatı ilə bağlı başsağlığı verib.
“İslamazeri.com” başsağlığı mətnini təqdim edir:
“Bağışlayan və mehriban Allahın adı ilə
(إنا لله وإنا إليه راجعون)
Allahdan gəlmişik və Ona tərəf qayıdacağıq.
Bu sabah Azərbaycanın görkəmli İslam alimlərindən olan QMİ-nin Qazilər şurasının üzvü Hacı Şahin Həsənlinin qəfil dünyasını dəyişdiyi xəbərini aldıq.
İslam yolunda böyük xidmətləri olan 48 yaşlı bu dəyərli gənc şəxsiyyətə Allahdan rəhmət diləyirik.
Dərin hüzn və kədərlə doğmalarına və şəxsiyyətinə hörmət bəsləyən bütün inanclı insanlara başsağlığı veririk.
Başın sağ olsun bütün Azərbaycan xalqı!”
