İraqın Baş naziri Məhəmməd Şia es-Sudani iqtisadi cəhətdən inkişaf etmiş bir ölkə olan Türkiyenin ölkəsinin inkişafında rol oynaya biləcəyini deyib.
İslamazeri.com xəbər verir ki, İraqın Baş naziri Məhəmməd Şia es-Sudani iqtisadi cəhətdən inkişaf etmiş bir ölkə olan Türkiyənin ölkəsinin inkişafında rol oynaya biləcəyini deyib.
Baş nazir Sudani paytaxt Bağdadda keçirdiyi mətbuat konfransında jurnalistlərin suallarını cavablandırıb.
Jurnalistlərin İraq-Türkiyə münasibətlərinin gələcəyi ilə bağlı sualını cavablandıran Sudani deyib:"İki ölkə ticarət və digər sahələrdə əməkdaşlıq edir. Türkiyə iqtisadi cəhətdən inkişaf etmiş bir ölkədir və İraqın inkişafında rol oynaya bilər".
İki ölkə arasında su və təhlükəsizlik kimi ortaq məsələlərin də olduğuna diqqət çəkən Baş nazir Sudani sözlərini belə davam etdirib:
"Yağışların azalması, Türkiyə və İrandan gələn suyun az olması bizim üçün su problemi yaradır. Biz bu mövzunun əməkdaşlıq və diplomatiya yolu ilə həll olunmasının tərəfdarıyıq. Su ilə bağlı ikitərəfli danışıqlar ola bilər''.
