İtaliyadan xəbərdarlıq: Tarixin ən böyük enerji böhranı ilə üz-üzəyik!
İslamazeri.com xəbər verir ki, İtaliya biznes assosiasiyası olan Confindustria Tədqiqat Mərkəzinin direktoru Alessandro Fontana, Confindustria daxilində aparılan qiymətləndirmə zamanı müharibənin iqtisadi təsiri ilə bağlı təəccüblü xəbərdarlıqlar edib.
L'Espresso-nun məlumatına görə, Fontana bildirib ki, müharibə bu gün başa çatsa belə, yenə də artımda "0,1-0,3 faiz bəndi itkisi" olacaq.
Fontana əlavə edib ki, müharibə ilin sonuna qədər davam edərsə, "tarixin ən ciddi enerji böhranlarından biri baş verə bilər" və bunun "sistem böhranına çevriləcəyini" vurğulayıb.
Bu açıqlamaların 27 apreldə dövlət maliyyəsi ilə bağlı parlament iclasında edildiyi bildirilir.
Hesabatda həmçinin bildirilir ki, İrandakı müharibədə davamlı atəşkəs mümkün görünmür və Donald Trampın Hörmüz boğazı üzərində İranın səlahiyyətlərini tanımaqdan imtina etməsi onun yenidən açılmasını gecikdirir.
