İsrail Livanın müxtəlif bölgələrinə hava hücumları təşkil edib.
İslamazeri.com xəbər verir ki, İsrail ordusu Beyrutun cənub məhəllələrini, Livanın cənubunu və Livanın şimalını eyni vaxtda hava hücumları ilə hədəfə alıb. Hücumlar nəticəsində müxtəlif ərazilərdə itki və yaralanmalar olub.
Əl-Mayadeen kanalının məlumatına görə, Beyrutun cənubundakı əməliyyat Dahiye bölgəsindəki Qubeyri və Haret Hureyk məhəllələrini hədəfə alıb. Bundan əlavə, hava limanı yoluna iki ayrı hücum nəticəsində üç nəfər ölüb, altı nəfər yaralanıb.
Livanın şimalındakı Tripolidə bədəvi qaçqın düşərgəsindəki yaşayış binası İsrail hava hücumuna məruz qalıb. Livan Səhiyyə Nazirliyi bu hücumda iki nəfərin öldüyünü və bir nəfərin yaralandığını açıqlayıb. Livanın cənubunda Mərceun rayonundakı Savana şəhəri hədəfə alınıb.
Çərşənbə günü İsrail ordusu Beyrutun cənubundakı Dahiye bölgəsinin Əl-Hades, Laylaki, Hayy Madi və Haret Hureyk ərazilərindəki müxtəlif binaları hədəfə alan bir sıra hücumlar həyata keçirib.
