Həşdi Şabi qüvvələri və İraq ordusu ölkənin şərqindəki Diyala vilayətində İŞİD terror təşkilatına qarşı birgə əməliyyata başlayıb.
İslamazeri.com xəbər verir ki, İraq mediasının məlumatına görə, Diyaladakı Həşdi Şabi əməliyyatlarının komandanı Talib Əl-Musəvi deyib:
"Bu gün səhər saatlarında Həşdi Şabi qüvvələri və İraq ordusu Diyala vilayətində terrora qarşı birgə əməliyyata başlayıb".
Qeyd olunub ki, bugünkü birgə əməliyyatın əsas məqsədi Diyala bölgəsini terrorçu ünsürlərdən təmizləməkdir.
İraq ordusu və Həşd əş-Şaabi İŞİD-in qalıqlarını məhv etmək üçün bundan əvvəl də dəfələrlə birgə əməliyyat keçirib.
