"Hənzələ"dən İsrailə BÖYÜK KİBERZƏRBƏ: İrana qarşı hücum hazırlayanları ifşa etdi
İslamazeri.com xəbər verir ki, “Hanzala” haker qrupu İsrail ordusunun yüksək məxfilikli bölməsi olan “8200-cü bölmə”dəki “İran masası”na mənsub 80 yüksək rütbəli kəşfiyyat zabitinin şəxsiyyətini aşkar etdiyini açıqlayıb.
İlk dəfədir ki, bütün 80 zabitin adlarını, şəkillərini və şəxsi məlumatlarını paylaşan belə geniş məlumat sızması baş verir.
Bu şəxslərin İsrailin kiber müharibəsi, informasiya texnologiyaları və idrak əməliyyatlarının mərkəzi hesab edilən Roş Haayindəki “042-ci baza”da işlədiyi bildirilir.
Bu bölmədə işləyənlərin İrana və “Müqavimət oxu”na qarşı qabaqcıl texnologiyaya əsaslanan əməliyyatların planlaşdırıcıları olduğu deyilir.
Bəyanatda vurğulanır ki, bu şəxslər təkcə kəşfiyyat zabitləri deyil, həm də qabaqcıl texnologiya layihələrinin memarlarıdır.
İştirak etdiyi bildirilən fəaliyyətlərə farsdilli hədəfləri müəyyən etmək üçün süni intellekt və maşın öyrənmə sistemlərinin hazırlanması, sosial mediada və rəqəmsal məkanlarda böyük məlumatların təhlili infrastrukturunun yaradılması, kritik infrastruktura qarşı kiberhücumlar və infiltrasiya əməliyyatlarının aparılması, ictimai rəyi manipulyasiya etmək üçün psixoloji və qavrayış əməliyyatlarının dizaynı və rəqəmsal platformalarda kiberkəşfiyyat şəbəkələrinin idarə edilməsi daxildir.
Bundan əlavə, personalın əhəmiyyətli bir hissəsinin fars dilində "inkişaf etmiş" səriştəyə malik olduğu və İran istifadəçilərini hədəf alan mürəkkəb alqoritmlər üzərində işlədiyi bildirilib.
Sızdırılan şəxslərin beynəlxalq təlim keçmiş elit texnologiya mütəxəssisləri olduğu və İsrailin kiber və koqnitiv müharibə imkanlarının mərkəzində olduğu bildirilib.
"Hanzala" yalnız şəxsiyyətlərin deyil, həm də yer məlumatlarının, rabitə xətlərinin və istifadə edilən rəqəmsal vasitələrin müəyyən edildiyini və qeydə alındığını açıqlayıb.
Bəyanatda bu açıqlamanın İsrailin texnologiya və təhlükəsizlik infrastrukturuna ağır zərbə kimi qiymətləndirildiyi və əlavə edilib ki, kiber müharibə arenası artıq görünən hala gəlib.
