Həcc Expo 2023 57-dən çox beynəlxalq nümayəndə heyətini və müxtəlif təhsil proqramları və elmi görüşləri bir araya gətirməklə 2023-cü ilin yanvar ayında Məkkədə keçiriləcək.
İslamazeri.com xəbər verir ki, Səudiyyə Ərəbistanının Həcc və Ümrə Nazirliyi, İki Müqəddəs Ocağın Xadiminin müşaviri və Məkkə vilayətinin valisi Şahzadə Xalid Əl-Feysəlin nəzarəti altında 2023-cü il yanvarın 9-dan 12-nə qədər “Həcc Expo 2023” konfrans və sərgisini keçirəcək.
Dörd gün davam edəcək bu tədbir iki müqəddəs ziyarətgahda zəvvarlara daha yaxşı xidmət göstərmək, eyni zamanda onların dini və mədəni təcrübələrini artırmaq üçün xidmət və obyektlərin innovativ mühitinin yaradılması üzrə nazirliyin davamlı səylərinin bir hissəsidir. O, zəvvarların təcrübələrini yaxşılaşdıran, onların gələcək ehtiyaclarını təxmin edən və gələcək əməkdaşlıq, razılaşmalar, yerli və beynəlxalq təşəbbüslər üçün imkanlar yaradan inteqrasiya olunmuş və davamlı mühit yaratmaq məqsədi daşıyır.
Səudiyyə Ərəbistanının Həcc və Ümrə naziri Tofiq İbn Fəvzan Əl-Rəbiə deyib: “Bu konfrans 200-dən çox qlobal təşkilatın sahibkarlarına, yenilikçilərinə və tədqiqatçılarına öz uğurlu təcrübələrini bölüşməyə və zəvvarlara xidmət göstərmək üçün nəzərdə tutulmuş davamlı keyfiyyətli həllər hazırlamağa imkan verəcək. Bu, Səudiyyə Ərəbistanının 2030-cu il üçün vizyonuna uyğun olaraq Həcc orqanlarının Həcc və Ümrə sektoruna davamlı dəstəyini göstərir".
Bu Həcc Ekspo sərgisində 56-dan çox ölkədən nümayəndə heyətinin iştirakı ilə 400 əməkdaşlıq müqaviləsinin imzalanması gözlənilir. Bu proqramda Həcc ilə bağlı 10 əsas iclas, 13 dəyirmi masa və müzakirələr, həmçinin 36 maarifləndirici seminar, əlaqəli tədbirlər və fəaliyyətlər, xüsusilə də Həccin İslam sərgisi və hakatonu (kəşfedici kompüter proqramlaşdırması) olacaq.
