Bu barədə İqtisadiyyat Nazirliyi yanında Dövlət Vergi Xidmətindən məlumat verilib.
Füzuli rayonunun Horadiz şəhəri və bir sıra kəndləri ilə 8 saylı Ərazi Vergilər İdarəsinin Beyləqanda yerləşən xidmət mərkəzi arasında məsafənin uzaq olduğunu nəzərə alaraq, Füzuli Rayon Vergilər Şöbəsində Asan Sertifikat Xidmətləri Mərkəzi (ASXM) fəaliyyətə başlayıb.
İqtisadiyyat Nazirliyi yanında Dövlət Vergi Xidmətindən "İslamazeri.com"a verilən məlumata görə, yeni mərkəzin yaradılması vergi ödəyicilərinin işini asanlaşdırmaqla yanaşı, Füzuli rayonunda iqtisadi canlanmanın sürətləndirilməsi, innovativ texnologiyaların tətbiqi və sahibkarlıq mühitinin yaxşılaşdırılması üçün əlverişli şərait yaradılmasına xidmət edir.
