Yaponiya Tayvan boğazı yaxınlığındakı adada Patriot raketlərini yerləşdirir.
Yaponiya Patriot (PAC-3) raketlərini ölkənin cənub-qərbində və Tayvan boğazı yaxınlığında yerləşən Miyako adasına yerləşdirib.
İslamazeri.com xarici mediaya istinadən xəbər verir ki, Yaponiyada Nazirlər Kabinetinin baş katibi Matsuno Hirokazu bildirib ki, Yaponiya Hava Özünümüdafiə Qüvvələri (ASDF) Okinava ada əyalətindəki Miyako adasına Patriot raketləri yerləşdirib.
Matsuno yerləşdirilən raketlərin milli təhlükəsizliyi təmin etmək üçün olduğunu və Şimali Koreyanın mümkün uzaqmənzilli ballistik raketlərini hədəf alacağını bildirib.
PAC-3 raketlərinin də eyni bölgədəki İşigaki və Yonaquni adalarına yerləşdirildiyi bildirilib.
Qeyd edək ki, Ölkənin cənub-qərbində yerləşən Okinavanın Miyako, Yonaquni və İşigaki adaları ölkənin Tayvan boğazına ən yaxın bölgəsi kimi tanınır.
