ABŞ prezidenti Donald Trampın vəzifədə olduğu müddətdə səsləndirdiyi bəyanatların doğruluq dərəcəsi mütəxəssislər tərəfindən "son dərəcə aşağı" qiymətləndirilib.
İslamazeri.com xəbər verir ki, aparılan fakt-yoxlama (fact-check) araşdırmaları göstərir ki, Trampın siyasi fəaliyyəti Amerika tarixində bənzəri olmayan bir "dezinformasiya kampaniyası" üzərində qurulub.
Müxtəlif hesabatlara və nüfuzlu media qurumlarının araşdırmalarına əsasən, Donald Tramp birinci prezidentlik dövründə on minlərlə yalan və ya çaşdırıcı bəyanat verib. "The Washington Post" qəzetinin "Fact Checker" məlumat bazasının statistikası bu mənzərəni daha aydın göstərir:
-
2020-ci ilin noyabrınadək: 29,508 yanlış bəyanat.
-
Ümumi yekun hesabatlara görə: 30,573 yalan və ya manipulyasiya xarakterli ifadə.
Ekspertlər və siyasi şərhçilər Trampın bu davranışını Amerika siyasətində "görülməmiş hadisə" kimi xarakterizə edirlər. Hesabatlarda qeyd olunur ki, yalanın ardıcıllığı və sistemli xarakter daşıması Trampın həm iş, həm də siyasi fəaliyyətinin əsas fərqləndirici xüsusiyyətinə çevrilib.
Xüsusilə 2019-cu ilin iyun ayından etibarən bir çox aparıcı xəbər agentlikləri ehtiyatlı terminologiyadan imtina edərək, onun açıq-aşkar yanlış olan bəyanatlarını birbaşa "yalan" adlandırmağa başlayıblar.
