İranla bağlı son qərarın ABŞ tərəfindən veriləcəyini bildirən Tramp, xüsusilə Səudiyyə Ərəbistanı Krallığına minnətdarlığını bildirib və NATO-dan fərqli olaraq, bölgədəki sadiq müttəfiqlərinin onları dəstəklədiyini qeyd edib.
İslamazeri.com xəbər verir ki, ABŞ prezidenti Donald Tramp İrana qarşı müharibənin bir hissəsi olaraq Yaxın Şərqi İran təhdidlərindən təmizləməyə çox yaxın olduqlarını bildirib və iranlıların Hörmüz boğazını açmalı olduqlarını vurğulayıb.
İranla bağlı son qərarın ABŞ tərəfindən veriləcəyini bildirən Tramp, xüsusilə Səudiyyə Ərəbistanı Krallığına minnətdarlığını bildirib və NATO-dan fərqli olaraq, bölgədəki sadiq müttəfiqlərinin onları dəstəklədiyini qeyd edib.
Tramp deyib: "İranlılar bunu açmalıdırlar. Onlar Tramp boğazını... yəni Hörmüz boğazını açmalıdırlar. Bağışlayın, çox üzr istəyirəm. Necə də dəhşətli bir səhvdir. Saxta xəbər mediası indi deyəcək: "O, bunu səhvən dedi". Mənim təsadüflərim yoxdur; yəni çox deyil. Əgər mən açsaydım necə olardı?"
Yaxın Şərqin gələcəkdə böyük inkişaf və transformasiyaya şahid olacağını əlavə edən Tramp, daxili təzyiqlərə baxmayaraq, tərəfdaşlarını və maraqlarını müdafiə etməyə davam edəcəklərini bildirib.
Tramp iddia edib ki, İran regionda əvvəlki dominant gücünü itirib və qaçır.
İranın raketləri ilə Səudiyyə Ərəbistanı, Qətər, Birləşmiş Ərəb Əmirlikləri və Küveyt kimi ölkələri hədəf almasının gözlənilmədiyini deyən Tramp, bu hərbi addımın təkcə İsraili deyil, bütün Yaxın Şərqi xilas etdiyini iddia etdi.
"Terrorizmi dəstəkləyən bir ölkə"nin nüvə silahına sahib olmasına icazə verməyəcəyini vurğulayan ABŞ prezidenti, əməliyyatın İrana ağır zərbə vurduğunu və hərbi cəhətdən uğurlu bir gün olduğunu bildirib.
Tramp həmçinin iddia edib ki, İran tərəfi ona zəng edib və xoşməramlılıq jesti olaraq cəmi 10 neft tankeri göndərəcəklərini bildirib.
Hazırkı əməliyyatın İranın hərbi imkanlarını, raket ehtiyatlarını və müdafiə infrastrukturunu məhv etdiyini bildirən Tramp, ölkənin artıq hava qüvvələri və ya hava hücumundan müdafiə sisteminin olmadığını iddia edib.
İranın "dini liderinin öldürüldüyünü və oğlunun ağır yaralandığını" iddia edən Tramp, hazırda İranda liderlik vəzifələrini öz üzərinə götürmək istəyən heç kimin olmadığını və yeni bir liderdən söhbət getmədiyini; həmçinin təyin olunmuş hədəflərin hələ də vurulduğunu və əməliyyatın davam etdiyini qeyd edib.
Tramp çıxışını Vitkoff və Kuşnerin yaratdığı komandanın əla iş gördüyünü bildirməklə yekunlaşdırıb.
