İsrail rejiminin müdafiə naziri Yoav Qallant təhlükəsizlik rəsmiləri ilə vəziyyəti dəyərləndirib.
İsrailin Müdafiə Nazirliyi son vaxtlar artan gərginlik və hücumlar səbəbindən təhlükəsizliyi təmin etmək üçün Təl-Əvivə hərbi birləşmələr göndərir.
İslamazeri.com xəbər verir ki, Müdafiə Nazirliyindən verilən açıqlamaya görə, İsrail rejiminin müdafiə naziri Yoav Qallant təhlükəsizlik rəsmiləri ilə vəziyyəti dəyərləndirib.
Qallant görüşdən sonra müdafiə təşkilatına İsrail polisini hərbi birləşmələrlə dəstəkləməyi tapşırıb.
Digər tərəfdən, İsrail mətbuatı son dövrdə israillilərə qarşı artan hücumlardan sonra ordu birliklərinin Təl-Əvivə yerləşdiriləcəyini açıqlayıb.
Qallant aprelin 9-da qərar vermişdi ki, İordan çayının qərb sahilindəki bəzi küçə və keçid məntəqələri ilə Qəzzada sərhəd-keçid məntəqələrini bağlı saxlamaq praktikasının müddəti təhlükəsizlik səbəbiylə Pasxa bayramının sonuna (12 aprel) qədər uzadılacaq.
