Terror təşkilatı Əl-Şəbabın Somalidəki hərbi bazaya hücumu nəticəsində 5 nəfər həyatını itirib, 10 nəfər yaralanıb.
İslamazeri.com xəbər verir ki, yerli mətbuatın məlumatına görə, Əl-Şəbab üzvləri ölkənin Qalmuduq bölgəsindəki hərbi bazaya hücum ediblər.
Hücum nəticəsində azı 5 nəfər ölüb, 10 nəfər yaralanıb.
Hücum 2 bomba yüklü maşınla həyata keçirilib və partlayışlardan sonra təhlükəsizlik qüvvələri ilə Əl-Şəbab üzvləri arasında 3 saatlıq qarşıdurma baş verib.
Münaqişədən sonra geri çəkilmək məcburiyyətində qalan “Əş-Şəbab” üzvlərinin hərbi bazaya daxil olmaq cəhdləri baş tutmayıb.
Qeyd edək ki, son həftələr Somalidə Əl-Şəbab üzvləri ilə təhlükəsizlik qüvvələri arasında toqquşmalar intensivləşib.