Türkiyənin paytaxtı Ankarada Milli Kəşfiyyat Təşkilatının qərargahında Rusiya Xarici Kəşfiyyat Xidmətinin direktoru Sergey Narışkinlə ABŞ Mərkəzi Kəşfiyyat İdarəsinin direktoru Uilyam Bernsin görüşü olub.
İslamazeri.com Türkiyə mediasına istinadən xəbər verir ki, bu barədə Türkiye Prezidenti Administrasiyasının İctimaiyyətlə Əlaqələr İdarəsinin rəhbəri Fəxrəddin Altun məlumat verib.
Fəxrəddin Altun deyib: ''Rusiya Xarici Kəşfiyyat Xidmətinin direktoru ilə ABŞ Mərkəzi Kəşfiyyat İdarəsinin direktorunun Türkiyədə görüşdüyünü təsdiqləyirik. Bu görüş Türkiyə və Prezident Rəcəb Tayyib Ərdoğanın qlobal sülhə verdiyi mühüm töhfələrə bir yenisini əlavə edir".
''Associated Press''ə müsahibə verən Fəxrəddin Altun deyib:''İclasda nüvə silahların istifadəsi başda olmaqla beynəlxalq təhlükəsizliyə təhdid yaradan məsələlər müzakirə olunub.Daha əvvəl Ukrayna və Rusiyanın xarici işlər nazirlərini bir araya gətirən və taxıl sazişində vasitəçi olan Türkiye sülhün təmin olunması üçün bütün tərəflərlə danışıqları davam etdirəcək''.