Amerika müdafiə nazirliyi - Pentaqon, İranın Rusiyaya raket göndərmək niyyətində olmasına dair bəzi Qərb mediaları tərəfindən yayılan şayiələri təsdiq etməyib.
İslamazeri.com xəbər verir ki, Pentaqon sözçüsü Patrik Rayder deyib:
"Hal-hazırda İran İslam Respublikasının Rusiyaya «yer-yer» tipli raketlər təhvil vermək üzrə təklifi barədəki məlumatları təsdiq etmək üçün heç bir informasiya yoxdur.
Bundan öncə İranofobiya xəbərləri düzəltmək sahəsində uzun keçmişə malik olan Röyters informasiya agentliyi iddia etmişdi ki, Tehran Moskvaya «yer-yer» tipli raketlər və daha çox pilotsuzlar göndərmək vədini verib.
Röyters-in iddiasına görə, bu barədə razılaşma, oktyabrın dördündə- İranın vitse-prezidentinin İslam İnqilabı Keşikçiləri Korpusu- Sepah-ın iki yüksək rütbəli rəsmisilə yanaşı Rusiyaya səfər etdiyi zaman əldə olunub.
İran İslam Respublikası bundan qabaq, Rusiyaya PUA-nın göndərilməsi barədəki iddiaları təkzib edib.
