Ermənistanın baş naziri Nikol Paşinyan ABŞ dövlət katibi Antoni Blinkenlə telefon danışığı aparıb.
İslamazeri.com xarici mediaya istinadən xəbər verir ki, tərəflər Ermənistan və Azərbaycan arasında münasibətlərin normallaşması və Vaşinqtonda keçirilən üçtərəfli görüşlə bağlı fikir mübadiləsi aparıblar.
Blinken bəyan edib ki, ABŞ Ermənistan-Azərbaycan münasibətlərində və Dağlıq Qarabağ münaqişəsinin həllində dəstəyini davam etdirməyə hazırdır.
Tərəflər humanitar məsələlərin həlli də daxil olmaqla, regionda təhlükəsizlik və sabitliyin səviyyəsinin yüksəldilməsi istiqamətində atılan addımların müzakirəsini davam etdirmək barədə razılığa gəliblər.