Krım körpüsünün "fövqəladə vəziyyət"lə əlaqədar nəqliyyat vasitələrinin hərəkətinə bağlandığı açıqlanıb.
İslamazeri.com Türkiyə mediasına istinadən xəbər verir ki, Rusiyanın qeyri-qanuni ilhaq etdiyi Krımın sözdə qubernatoru Sergey Aksenov verdiyi yazılı açıqlamada körpüdə təfərrüatları açıqlanmadığı fövqəladə vəziyyətin olduğunu bildirib.
Sözügedən fövqəladə vəziyyət səbəbindən körpünün nəqliyyat vasitələrinin hərəkətinə bağlandığını bildirən Aksenov "Hüquq-mühafizə orqanları və bütün cavabdeh qurumlar işləyir" deyib
Rusiya sosial mediasında yayılan bəzi görüntülərdə körpüdən tüstünün qalxdığı görünür.
Bəzi KİV-lərdə Ukrayna ordusunun gecə saatlarında körpüyə raket hücumu təşkil etdiyi bildirilir.
Xatırladaq ki, 2022-ci ilin noyabrında körpüdə baş verən partlayış nəticəsində 3 nəfər həlak olub.
