İran XİN başçısı Rafael Qrossi ilə görüşüb.
İranın xarici işlər naziri Seyid Abbas Əraqçinin rəhbərlik etdiyi nümayəndə heyəti Beynəlxalq Atom Enerjisi Agentliyinin (BAEA) rəhbəri Rafael Mariano Qrossi ilə görüşüb.
İslamazeri.com xəbər verir ki, "Əl Mayadeen" televiziyasının məlumatına görə, İranın xarici işlər naziri Abbas Əraqçi və BAEA rəhbəri Rafael Mariano Qrossi Cenevrədə keçirilən danışıqlar zamanı görüşüblər.
Omanın xarici işlər naziri Seyid Bədr bin Həməd Əl-Busaidi həmçinin Cenevrədə keçiriləcək İran-ABŞ nüvə danışıqlarından əvvəl texniki məsələləri müzakirə etmək üçün BAEA rəhbəri Rafael Qrossi ilə görüşüb.
İran və ABŞ arasında dolayı nüvə danışıqlarının üçüncü mərhələsi bu səhər İsveçrənin Cenevrə şəhərində başlayıb.
