Ağ Evin kriptovalyuta və süni intellekt üzrə müşaviri Devid Saks bildirib ki, ABŞ İranla müharibədən "qələbə elan edib geri çəkilməlidir".
İslamazeri.com xəbər verir ki, Reuters qeyd edib ki, bu, Prezident Donald Tramp administrasiyasında yüksək vəzifəli bir məmurun münaqişəyə son qoymağa çağıran nadir bir mövqeyidir.
Saks dünən podkast çıxışı zamanı deyib: "Qələbə elan edib geri çəkilmək üçün əlverişli zamandır. ABŞ İranın hərbi imkanlarını zəiflədib. Biz çıxış yolu tapmağa çalışmalıyıq".
O, sözünə davam edib: "Əgər eskalasiya müsbət nəticə verməzsə, biz deeskalasiya yolunu nəzərdən keçirməliyik. Və düşünürəm ki, deeskalasiya İranla atəşkəs razılaşmasının əldə edilməsini və ya danışıqlar yolu ilə həll yolunun tapılmasını nəzərdə tutur".
ABŞ-İsrail arasında İrana qarşı təcavüz bu gün 15-ci gününə qədəm qoyduqca, İran hədəflərinə hücumlar davam edir.
Bu arada, Tehran Təl-Əvivi və Körfəzdəki müxtəlif ABŞ bazalarını hədəf almağa davam edir.
